Kumin French Open a mipa inelna lama rinkai pahnihte semi-final a intawng thei turin hmalam an pan zel a. Novak Djokovic leh Carlos Alcaraz ten an khingpuite hneh ve ve in French Open third round an lut.
Mipa Grand Slam singles title record ni tura a vawi 23-na atana champion tum Djokovic-a’n a khingpui Marton Fucsovics 7-6 (7-2) 6-0 6-3 in a hneh.
Djokovic hian set hmasa ber hi la lo teuh hle in a khingpui in a service a break sak teuh thei thin hle a. 5-3 a hma a hruai tawh chu set lak nan a hmang zui mai thei lo.
Set hnihna a thunun hnuah erawh harsatna a nei zui tawh lo.
Hetihlai hina inkhel dangah kum 20 mi world number one ni lai Alcaraz chuan Taro Daniel 6-1 3-6 6-1 6-2 in a hneh ve bawk.
Canadian star Denis Shapovalov nen an inhmachhawn ve leh ang.
“Hetiang tournament a inkhelh hi nuam ka ti a, khawpui nuam tak a ni a. Stadium lian takah mi tam tak hma a hlim taka inkhelh hi nuam ka ti.” tiin Alcaraz chuan a sawi.