Nikum December khan khawvela hausa ber nihna a hloh hnu ah kumin February-ah a ni chho leh a, mahse pahnihnaah a tla leh. Tunah erawh Elon Musk chu khawvela hausa ber a ni leh ta.
Ani hi kuminah Bernard Arnault nen an inum zak zak a, an inhnaih thin hle. Tunah chuan Tesla CEO hausakna hi $Billion 192 a nih laiin, Bernard hi $Billion 187 nen pahnihnaah a chhuk a ngai ta, niin Blooomberg Billionaire Index-in a tarlang.
Tesla CEO hian luxury tycoon Bernard umpha tur hian hun a mamawh tam lem lova, Bernard-a share hi nimin khan Paris trading-ah 2.6% a tlahniam a, Tesla erawah a sang chho thung.
Elon Musk hi Tesla share punghluai a thatpui a, kumah ringawt $Billion 55.3 in a pung hluai.
Anni pahnih hi inum zak zak reng an nih avangin eng chen nge Elon Musk hi ‘ber’ nihna a chelh dawn, tih erawh hunin a rawn hril dawn a ni.