Manchester City chuan Chelsea atangin midfielder Mateo Kovacic chu lakluh tumin inbiakna an neihpui niin thu a thang.
Kovacic hi hun engemaw chen atang khan Chelsea chhuahsan mai tur anga sawi a ni tawh a. Chelsea in an squad lian lutuk chu an tih thawlna tura player an chhuahtir tum zingah a tel niin an sawi thin.
Kum 29 mi hian Blues hnenah hian kum khat contract a la nei a, manager thar Mauricio Pochettino chuan chelh zui zel a tum dawn lo niin an ngai bawk.
Club pahnihte hian inremna la nei lo mahse City leh Croatia midfielder aiawhte hi an inbe tawh a. A manah hian club pahnihte hi Pound maktaduai 35 velah an inrem thei dawn niin an ring.
Man City lam hian an midfield a khel tur duhthlan tur neih belh an tum ve mek bawk.