Aizawl: Rajya Sabha member K Vanlalvena’n Vaphai, Farkawn leh Zawlsei-a Myanmar raltlante a tlawh.
Nilaini khan K Vanlalvena hian heng khaw pathumte a tlawhnaah MNF sorkarin raltlante a lo tanpui chhan chu vote duh vang a nih loh thu sawiin, “Kan unauten tanpui an mamawh tih kan hmu a, kan tanpui mai zawk a ni,” tia sawiin, unaute tanpui chu Mizo kristian nunphunga bet a nih thu a sawi.
K Vanlalvena hian khawtlang leh NGO hruaitute bakah mipuiten raltlante hmangaih taka an lo tuamhlawm thin chu Pathian duhzawng a nih ngei a rin thu a sawi bawk.
Vaiphaiah hian khawtlang buatsaihin Vaphai High School leh Higher Scondary School atanga class 10 leh class 12 exam-ten hlawhtlinna an chang kim vek lawmna hun an buatsaih a hman pui a. Hei bakah Vangchhia khaw daia Kawtchhuah ropui a tlawh nghal bawk.
Rajya Sabha member hi Mara Autonomous District MDC HC Lalmalsawma Zasai pawhin a tawiawm a ni.