Aizawl : IBPS RRB hnuaia Mizoram Rural Bank-a thawk tur lak chungchangah nimin khan MSU hruaitu ten MRB General Manager an hmu a. MRB hna- ruak, officer scale-1 bi- kah scheduled tribe (ST) tan post a awm tlem ṭhin nia a lo hrilh thu leh kuminah phei chuan a awm lo hial nia a lo hrilh thu an sawi.
MRB hotute chuan ST tana post a tlem ṭhin chhan chu Central reser- vation policy-ah ST tan post a tlem vang niin an sawi tih MSU hruaitute chuan an sawi a. MRB-ah Mizo ṭhalai a tam thei ang ber an luh theihna turin MSU chuan theihtawp an chhuah dawn nia sawiin, ministry of finance dawrho dan tur te pawh MRB hotute chu an sawipui niin an sawi.
MSU chuan hnamdang, Mizoram pawn aṭanga MRB-a thawk tura lo kal ten dânin a phût angin proficiency languange test an paltl- ang ngei em tih an en reng tur thu an sawi a. Public sector unit hrang hranga thawk ten dan anga Mizo ṭawng an thi- am leh thiam loh exam buatsaih tur board din a nih theih nan hmalak an tum thu an sawi bawk.