Mizoram University-a Mizo department buatsaih -National seminar on role of women-educator, writer and entrepreneur in Mizoram- tih chu Seminar Hall, Department of Education, Mizoram University-ah tan a ni.
Seminar ni hnih awh tur hi MZU Vice Chancellor Prof. Dibakar Chandra Deka-a’n a hawng a. Seminar thupui cuh tunlai atana thupui pawimawh leh ngaihtuah fo tur a nih thu sawiin, kawng hrang hrangah hmasawn tlan a tul thu a sawi.
MZU Vice Chancellor chuan “Kan ram leilung pawh kan tu leh fate tana chhawm zel tlaka kan siam a pawimawh” tiin, “ram zahawm leh chak kan nih theih nan hnamtin chin dan leh tih dan leh tawngte kan inzahtawnsak a tulin, harsatna hrang hrang kan neih te pawh a chinfel dan kawng kan zawn zel a ngai a ni” a ti a. “Thu leh hla tha ziak tura kan tan tlan a tul a, hnamdang ten Mizo tawng an zir theihna tur kawng dap a tul” a ti bawk.
Prof. Zoengpari, Honorary Director, UGC, Women’s Studies Centre pawhin Mizorama hmeichhe dinhmun hrang hrang a sawi a. Mithiam ten kawng hrang hranga Mizo hmeichhiate hmasawnna tur leh hma an sawn dan dinhmun an zirbingnate an zirho a ni.