Mi kuttuara boral rap icn Tupac Shakur chu June 7 hian Hollywood Walk of Fame-ah lakluh a ni ang.
A thih hnu-a chawimawina ropui tak dawng tur hi rap/hip-hop music bulthut sawhnghettu leh chawikangtu langsar ber pawla ngaih niin, a aiawhin a farnu Sekiywa ‘Set’ Shakur-i’n a dawnsak dawn.
Tupac Shakur hi a lar vanglaia mi kuttuara thi a ni a, rimawi khawvela hmingtharna leh larna nghet taka a kuah laiin September 7, 1996 khan Las Vegas-ah silaia kahna hliam thahnem tak nen Damdawi In-ah daluh ni mah se, a hnu ni rukna September 13 ah kum 25 mi lek niin a hliam tuar lovin a boral.
A thih thu khan rimawi khawvel nasa takin a barakhaih a, rap icon hiala sawi hi chhuan lo la awm zel tur thlengin a hming an la sawi hat hat dawn chauh a. Rimawi khawvel tan ‘legacy’ ropui tak a hnutchhiah.