French Open champion lai Iga Swiatek leh Wimbledon champion Elena Rybakina ten kumin a Roland Garros-ah hmeichhe singles a champion tura rinkai an nihna chhan an lantir a. Straight set in hnehna an chang ve ve.
World number one ni lai Swiatek hian kum li chhunga a tum thum nan champion a tum a. Round thumna lut turin Claire Liu 6-4 6-0 in a hneh.
Chinese mi Wang Xiyu nen an inkhel leh ang.
Inkhel dangah kum 23 mi seeded number 4 hauhtu Rybakina in kum 18 mi Linda Noskova 6-3 6-3 in a hneh a. Kuminah clay court inkhelah vawi riat a zawna a chakna niin kar hmasa khan Italian Open-ah a champion tawh.
Round of 32-ah hian Sara Sorribes Tormo a hmachhawn leh dawn.
Swiatek leh Rybakina te hi world number two Aryna Sabalenka nen tunhnaia WTA Tour a hming langsar pathum an ni a. An pathum hian Grand Slam title hnuhnung pali an la.
Tun season-ah pawh che tha fal pathum an ni a, an zingah Rybakina hi nikum Wimbledon-ah champion mahse ranking points a hmuh loh avangin ranking-ah palina a la ni mek.