Kottayam district, Kerala-a thingtlang khaw kilkhawr taka khawsate chuan an khaw lei hnuai atanga ri chhuak ni ngeia an hriat mak tak an hriat avangin an mangang hle.
Chenappady khuaa chengte hian thawm hi ring tak niin Zirtawpni hma takah khan vawi hnih an hria tih an sawi a. Kar tir lamah khan hetiang deuh bawk thawm hi heng lai hnaih leh an khaw thenawm velah pawh an lo hre tawh niin an sawi bawk.
Khaw mite chuan pawn lam lang theiah chuan engmah thil danglam an hmu lo va, mi thiamten a chhan leh engnge a nih hriat tumin an bei nghal mek.
Kerala Department of Mining & Geology chuan expert team-in an pan mek tih an sawi.
Department chuan kar tir lama ri an hriat khan a hmun hi an en nual tawh tih an sawi a. “Vawiina mi dangin an hriat leh bawhzui hian kan mi thiamte kal lehin an ennawn leh dawn a ni,” tiin an sawi niin Press Trust of India chua a tar lang.
Department hotunu chuan a kimchang tak taka zira hre tur erawh chuan Centre for Earth Sciences (CES) an biakpawh mai a ngaih pawh a ring tih a sawi a, leilung che thawm a ni em tih pawh an hre thiam rih loh tih a sawi.
“Hetiang thil chhuia zir tur hian keini chuan theih chin kan nei a. CES hnenah pawh endika a hmunhma zir chiang tura ngenna kan thlen tawh,” tiin Press Trust of India hnenah hian a sawi.
Geology department mi thiamte hian a hmun hi pan mekin en erawh an en nawn ang a, an tih theih tawk angin an zir chiang tawh tih erawh a sawi a ni.