Aizawl : ZPM thalai President Dr. C. Lalrammawia’n “SEDP sumin a dawngtu mipuite thinlung a lei zo lo” a ti.
East Tuipui biala Fârkawn khua a tlawhnaah he thu hi Ningani khan ZPM thalai President chuan a sawi a. “MNF party-in mipui sum SEDP hmangin mipui vote lei a tum nasa hle a, mipui ten SEDP an dinchhuahpui dan tur lam aiin, MNF-a an hming ziah luih tir chu SEDP inpekna atana an thupui ber a ni”, tiin, “SEDP sumin a dawn- gtu mipuite thinlung erawh a lei zo lo”, a ti.
ZPM thalai President chuan mipuiin MNF thlan tlin leh ai chuan ram hmasawnna tak tak thleng phak duhin ZPM an zawm tawh zawk niin a sawi a. SEDP dawngtute chuan an SEDP dawn chu MNF vote phahna atan hman an tum lo niin a sawi bawk.