Telangana chuan state an nih kum 10-na champha an thleng a, a lawmna liantham takin an huaihawt.
President-in chuan Telengana Statehood Day chu a lawmpui thu a hrilh a. Droupati chuan a mi chengte nun phung leh tih dante chu zau taka tidarh zel tura duhsakna hlanin, an hma lam huna thang zel turin a ti.
President Murmu-i chuan Telangana chu ramin a tum, in tina tui thianghlim in tur pek a nih theih nana thawk tha a nih thu a sawi a. An state mipuite duhsakna a hlan.
Vice President Jagdish Dhankar pawhin Telangana mipuite chu chibai a buk a. Telangana chu hman atang tawha hnuhma hausa nei, nun dan phung hrang hrang awmna leh hmun pawimawh tak tak awmna a nih thu a sawi a. Ram a than theihna tur pawhin a thawh hlawk hle tih a sawi bawk.
Prime Minister Narendra Modi pawhin mipuite lawmpuina chibai a buk a. Mipui nunphung danglam leh thawhrimna avangin state thangduang ber pawl a nih thu leh thang zel tura duhsakna a hlan.