Aizawl West III bialtu MLA VL Zaithanzama’n Reiek kai Tlawng lei dawh mek chu Inrinni khan tlawhin a enfiah.
Reiek kai Tlawng lei (bug bridge double lane) hi Sadguru Engineer & Allied Services Pvt. Ltd., Assam-in an dawh mek a, kum 2017 a hna tan daih tawh niin, zawh hun tur oawh vawi thum lai ruat ni tawh mahse, kumin February 28-ah pawh khan hnathawh mumal hmuh tur a la awm lo nia sawi a ni.
Aizawl West III bialtu MLA-in Inrinnia a tlawh lai hian a structure an zo hnai a, kumin chhunga dawh zawh hman an beisei thu PWD atanga he hna viltute chuan MLA chu an lo hrilh.
Reiek kai Tlawng lei dawh mektu Aizawl West III bialtu MLA chuan “Dampa bial khaw engemawzat leh Aizawl inkalpawhna Reiek kai Tlawng lei hi motor lian leh mipui mamawh tam tak thiarluhna hmun tur a nih dawn avangin a pawimawh hle” a ti a. “Rokhawlhna leh harsatna hrang hrang avanga kum engemawzat hlamchhiah leh hnathawh mumal awm lova a awm hi a pawi takzet a ni” a ti.
Tunah erawh tha taka hna a kal nia a lan avanga lawmawm a tih thu pawh VL Zaithanzama chuan a sawi a. Mizoram PWD atanga he hna viltute pawh fakin, hna tha taka thawh a nih zel theihna tura uluk taka vil zui zel turin a chah.
Sadguru Engineer & Allied Services Pvt. Ltd. chuan an hnuaia hnathawk ten harsatna hrang hrang an tawh thu leh tun hnaiah pawh nunna chan hial an awm thu MLA chu an lo hrilh a. Chak za- wka hna thawh an tum thu an lo hrilh bawk.
Reiek kai Tlawng lei dawh mek hi Mizoram PWD leh Sadguru Engineer & Allied Ser- vices Pvt. Ltd., Assam te inremna ang chuan February ni 28, 2019-a zawh tur a ni a. Hna a kal muan avangin May ni 31, 2021 zawh tura tih ni leh in MPWD chuan Sadg- uru Engineer & Allied Services Pvt. Ltd. hnenah show cause notice ṭum hnih leh Superintending Engineer (Ce- ntral Circle) ațangin țum khat an pe a, hemi hnu hian February 28, 2023-ah hna thawh zawh an intiam leh nia thudawn a ni bawk a ni.