‘Pretty Woman’ film atanga hriatlar Julia Roberts (55) hi he film-ah KS lemah a chang a, Full Front film-ah pawh khan heti ang lam thoin a inlan. Mahse, tuma’n saruaka a inlanna an la hmu lova, amah ngei pawhin a chiang hle.
Vanity Fair magazine hmâah February 1999 daih tawh khan saruak deuh lek leka inlanna a nei tih a pha lova, hetah pawh hian a hnute leh pawimawh laite chu tape-a charin, ca-mera atanga lang fiah tak tak thei lo turin a sawngbawl tih a lo hrilh a ni. 2007 kum khan E! News nena an inkawmnaah, “Movies-a saruaka ka inlan lohna chhan a awm a, bathing suit nena ka tlankual vel pawh inhmu lovang. Heti ang lam thil hi ka tih lohzâwng tak a ni,” a ti.
Saruaka a inlan lohna laimu berah chuan fate Nu a nih vang a ni a, OK! Magazine hmaah 2007 kum vek hian, Film a chan reng renga saruaka inlan a tum dawn lova, thawmhnaw inbela lemchan kha a performance dik tak a nih zawk thu a sawi.