Chhiahtlang North Health Clinic Centre thar chu nimin khan Bialtu MLA, Minister ni bawk Lalrinawma’n a hawng. Chhiahtlang Higher Secondary Sch- ool-a zirlai hlawhtling te lawmpuina hunah a hmanpui bawk.
Minister Lalrinaw- ma chuan eizawnna, hriselna leh zirna te chuan a rilru a kap lian ber reng nia sawiin, hma pawh an la tam niin a sawi a. A bial chhunga mipui zaa 75 vel ten nitin hnathawka an lo lam an pan thin avangin an feh kawng pawh an laih nasat thu leh MLA fund an hm- an nasat berna pakhat pawh a nih thu a sawi.
Lalrinawma chuan “Hriselna lamah hma kan sawn theih nan hma pawh kan la nasa a, kan Sub Centre zawng zawngte Health & Wellness Centre ah kan hlangkai vek tawh a, Health & Wellness Officer ten an thutchilh nghal veka, hripui do kawngah pawh an thawhhlawk hlawm hle” a ti a. Clinic Centre pawh hmun engemawzatah hawn a nih tawh thu leh an tangkai em em vek thu a sawi.
Chhiahtlang North Health Clinic Centre hmunhma tha neih a nih theihna atana Chhiahtlang North Village Council te inpekna entawn tlak a tih thu Lalrinawma chuan sawiin, lawmthu a sawi bawk.
Serchhip District Immunization Officer Dr. Lallawmkimi Chhakchhuak-in Health Clinic hnathawh dan tlangpui sawiin, “clinic te chu sub centre anga ngaih an ni lova, sub centre hnuaia service kan pekte a pek ve vek theih nain sub centre hnuaia hnathawk an ni” a ti a. “Hei vang hian anmahni pualin damdawi leh hmanraw mamawhte supply a ni lova, sub centre no te an ni”, a ti.
Chhiahtlang North Health Clinic hi thawktu Health Worker pakhat leh Helper pakhat in an thutchilh ang a, an hnuaiah ASHA pathum an awm bawk ang. Chhiahtlang North VC-in NH 54 compensation sum an dawn hmanga an sak a ni a. He buildingah hian Bazar, VC House leh Health Clinic Centre te a awm dawn a ni.