Thawhtanni khan CMO Aizawl East District chuan Intensified Diarrheoa Control Fortnight (IDCF) Launching Programme an hmang a. He hun hi Dr. Lalparliani, CMO, Aizawl East District-in a kaihruai a, Dr. Eric Zomawia, Mission Director, NHM, Mizoram chu khuallian a ni.
National Health Policy 2019-in a tum chu India ram pumah naupang kum nga hnuai lamah thihna 1,000 zelah 39 atanga 23-ah tihhniam tur a ni a. Naupang kum nga hnuai lamah kawthalo avanga thi 6.4% an la ni a, India ramah kum tin naupang kum nga hnuai lamah mi 60,000 velin an la thih phah reng a. Hei vang hian Ministry of Health and Family Welfare, Govt. of India kaihhruaina hnuaiah IDCF chu kum 2014 atang khan kum tin ram pumah hman a lo ni thin a. Kuminah pawh hian June 5-19, 2023 chhung hian hman leh tur a ni a. He programme hi hmang tangkai a, an lo chhawr ngei theihna turin mipuite an ngen a ni.