2nd All India Mayors & RWAs Summit 2023 chu nimin khan New Delhi-ah neih a ni a, Aizawl Mayor Lalringenga Sailo chu khualzahawm a ni.
Aizawl mayor chuan summit-ah hian Aizawl khawpui enkawl nana AMC hmalakna hrang hrang te, local council hnathawh leh a tangkainate a sawi a, bawlhhlawh paih leh sawngbawl kawnga AMC hmalaknate pawh sawiin, AMC budget pum pui atanga 21.51% lai chu bawlhhlawh paih leh sawngbawl nan dah a nih thu a sawi.
Maenga chuan Aizawl khawpui chu state pawn lam atanga tlawhtuten fai an tih thu te, motor khalhte pawh an polite-in silent city tia sawi a nih thute a sawi bawk.
Aizawl mayor hian Green India Award thenkhat a sem a, AMC Joint Municipal Commissioner Lalremruata Kullai chuan Aizawla Waste Segregation kalpui dante a sawi bawk a ni.
Mayor hi AMC hotu thenkhatin an tawiawm a ni.