Aizawl : Daido ka- ltlanga Manipur kalna kawng siamthat mek chu nimin khan MLA Dr. L. Thangmawia’n Manipur ramri Vawngkawt thlengin a tlawh a. Adviser to CM (Tech) Er. K. Lalsawmvela leh PWD SDO Er. H. Lalrinfela ten an tawiawm.
L. Thangmawia chuan he kawng hi luipui kan ngai lova Manipur kal theihna awmchhun a nih avangin Chief Minister Zoramthanga’n a ngaipawimawh hle niin a sawi a. He kawng siamna tur hian NEC atangin Rs vbc 33 a dilchhuak tawh nia sawiin, tihfel ngai a la awm nual avangin sum hi a la hman theih rih lo niin a sawi.
Manipur buaina avangin he kawng hi hman a tul avangin kawng hlui awmsa hmanhmawh taka cheithat lailawkna tur pawh Chief Minister-in sum zawng chawpin, kumin fur laia motor tlan theihna tura siamthat hna chu tun thla ni 7 atang khan thawh tan a nih thu L Thangmawia chuan a sawi.
He kawng hi Manipur lam chuan kum 2021 khan ramri chin lai thleng tawhin, blacktop hna pawh an thawk zo tawh a. Mizoram lam km 3.15 vel chu siamthat hmanhmawh ngai bik a nih thu L Thangmawia chuan a sawi bawk.