Mamit High School-II a thawk tur zirtirtu lakna turah thil fel tawk lo awma a lan avangin tiamchin awm lovin interview hun sawn a ni.
Thudawnnain a sawi danin Mamit High School-II a thawk tur zirtirtu lakna turah hian interview hun atan June ni 7, 2023 ruat a ni a. Mamit HS-a thawk tur zirtirtu lakna turah thil fel tawk lo a awm nia hriat a nih vangin DEO Mamit-ah RTI hmangin zawhna zawh a ni a, hei hi chhan ni tawhin, Managing Board Chairman Legal notice pek pawh insawifiah tawh mahse, interview hun chu tiamchin awm lova sawn a ni ta tho a ni.
Mamit High Scho- ol-II a thawk zirirtu pakhat boral avangin zirtirtu an indaih lova. Kumin January ni 11 khan Mamit District Education Officer-in School Education department Director hnenah zirtirtu lak dilna a thlen a. Kumin February ni 2 khan dan zawm chunga zirtirtu lak phalsak an ni.
School Education Directorate atanga zirtirtu lak phalna chu School Managing Board leh School lam erawh chuan an hre lawk lo niin thudawnna chuan sawiin, hemi avang hian advertisement pawh tihchhuah a ni lawk lo niin a sawi a. Zirtirtu lak phalsak an nih thu an hriat ve leh kumin May ni 12, 15, 16 leh 17-ah te khan Mamit High School-II Headmaster hmingin zirtirtu lakna tur advertisement chu tualchhung chanchinbu-ah tihchhuah a ni a, hemi hnu hian zirtirtu hna diltute interview hun atan June ni 7, 2023 ruat a ni.
Mamit High Sch- ool-II zirtirtu hmun ruak pakhat hnawh- khahna tur diltu hi mi 9 an awm niin thudawnna chuan a sawi.
Mamit High School-II ah hian Science thiamna nei (Science graduate) zirtirtu pakhat a awm mek a. Science graduate mamawh a nih avang leh Mizoram Board of School Education Affiliation Regulations 2012 in High Schoola zirtirtu dinhmun tur a sawi – “ a tlem berah zirtirtu Science Graduate pahnih tal an awm tur a ni” (at least two of them shall be Science graduates) a tih angin Science graduate emaw a chunglam pakhat lak belh turin advertisement chu tihchhuah niin thudawnna chuan a sawi bawk a ni.