UAE ram leh Arab ram thenkhatte chuan tunlaia film lar ber ni mek Spider-Man: Across the Spider-Verse chu ramchhung chhuah an khap bur. A chhan pawh movie-sh hian trans flag (Ser thlakthleng te thlawpna/duhna flag) a lang vang, a ti.
A hmasa berah Saudi Arabia ramin he movie hi engtikawngmahin a pawm dawn lo, tih a sawi hnu ah UAE pawhin censorship rules khauh tak hmangin ramchhunga tihchhuah a remti lo bur bawk.
Animated film hmuhnawm leh mite ngaihven tak ni mek ni mah se, Saudi Cinema tarlan danin, film-a tihlan thenkhatte chu an ram leh hnam, sakhua leh kalphung mai bakah an pawm dan nen inpersanna nasa tak a awm vangin, chhuak chak hle mah se, remchan lohna lian tak a awm niin, a tarlang.
Hetih lai hian, khap bur a nihna chhan tak hi chiang fekfawka tarlang ni chiah lo mah se, mi tam tak chuan trans-flag duhna lo lang ve zawk hi a nih ngei an ring a, media tam takin an report dan pawh a ni.
A changtu pakhat Gwen Stacy hi heti ang lam mi thawhpui a, phurpura puh a ni a, film-ah a taksa pianphung dik tak a pa hnena a zawh te pawh kha heng ramah te an chhuah tui lohna pakhat a tling nia tarlang a awm bawk.
Scene pakhatah ‘Protect Trans Kids’ tih inziahna trans flag hmuh theih a ni a, Gwen-i room-ah langsar takin tarchhuah a ni.
Heng te neuh neuh vang hian Saudi Arabia leh UAE bakah khung middel east ram thenkhatte khuan mihring pianphung panngai zawm lova, lo tihdanglam kual vel leh thlakthleng chu an sakhua, hnam dan, serh leh sang te nen nasa taka inpersen-ah ngaiin, an ram mipui nawlpui hmuh leh en atan an pawm thei lo bur.