English defender Chris Smalling chuan AS Roma hnenah kum hnih contract a ziah belh.
Kum 33 mi hian kum 2019 khan AS Roma hi a zawm a, loan a zawm phawtin kum 2020 khan Italian club hian a nghetin an lei.
Thla thar hian Smalling contract neihlai hi zo tur a ni a. Stadio Olimpico-ah a cham chhunzawm zel dawn tihna a ni.
England tana vawi 31 khel tawh Smalling hian Roma tan inelna hrang hrangah vawi 143 a inkhel tawh a, an tan goal 10 a khung tawh.
Giallorossi tan hian head coach Jose Mourinho hnuaiah player pawimawh niin nikum a Europa Conference League a player tangkai a ni a. Europa League final kumina an luhna kawngah pawh tlarhnung a rinrawl a ni.
“Ka football khelh chhunga ka huntha ber ka hmang mek a, he khawpuiah hian ka lo kal tirh atangin kei leh ka chhungten nuam kan ti a, kan mikhual lo hrim hrim. Club in hma a sawn hle bawk a, hei vang hian ka tan thutlukna awlsam tak a ni.” Smalling chuan a ti.