Spain in huntawp dawnah goal an khung hmangin Italy lakah hnehna an chang a. UEFA Nations League final-ah Croatia nen an intum dawn.
Ningani zana De Grolsch Veste a inkhelah hian Spain tan veteran striker Joselu chuan minute 88-naah goal a khung a. Rodri ball pet dan per chu nang hmasa berin goal-ah a khung.
Spain tan Yeremy Pino chuan minute thumnaah goal a khung a. Italy defender ropui Leonardo Bonucci chu ball chhuhsakin an goal hmahruai a khung.
Minute 11-naah Italy in goal an khung let a, Spain tana a vawikhatna atana inkhel Robin le Normand handball atangin Ciro Immobile chuan penalty atangin goal a khung.
La Roja hian 2012 European Championship hnuah a vawikhatna atan trophy chawi theihna hun an nei dawn a. 2021 Nations League final-ah France lakah an lo tlawm tawh bawk.
Spain boss Luis de la Fuente chuan, “Kan hnehna chan chu a lungawithlak a, a chhuanawm hle in ka hria.”
“Football tha tak kan khel a, team tha hneh turin kan theihna sang tak kan lantir. Inkhelh hma in kan khelhdan tur kan inhrilh a, player tinin an zawm thap.” tiin a sawi.