Ruah a tla ser ser thin a, thli thaw nat chang lah a tam. Khawlum huam huam a zia deuh a, kartluana hnathawh hnu ah weekend enjoy hun a lo thleng leh ta.
Khua a hnim deuh ruih thin a, a vawh ve deuh thin bawk vangin film en nan hun remchang tak a ni a, OTT platform lam hawi a nuam ta riau mai.
Film leh series thar ber ber hmehchhuah tur a tam ta hle mai a, duhthlan tur leh bur chat tur lah a tam. Engpawhnise, tunkar tawpah pawh hian horror film atangin hlimawm leh vibe pechhuak thei te nen lam a intlar thla leh duah mai a, en tur mai hre lo tan remchanna siam a ni dawn e.’
Chumi hma lawkin, Netflix lamah Chris Hemsworth channa, ‘Extraction 2’ erawh hmaih a thiang lo turah ngai ila, hmetchhuak ngei ngei ang che.
NETFLIX
Extraction 2
Chris Hemsworth-a channa leh puipa ber a nihna ah hian commando rinawm leh rintlak tak a nihna pholanin a awm a. Tyler Rake hmingpu a chetchhuahna pui tak hi thinphu dep depin i en leh dawn e. Ganster tawrhlelhawm leh rawng tak tak kut atanga chhungkaw chhanchhuak tura a fehchhuahna pui rem rem tak chu i hmaah chhawpchhuah a ni ang. Nimin June 16 khan dahchhuah a ni tawh e.
Social Currency
Hei hi chu karleh weekend nghahhlelhawmtirtu a ni tlat mai a, social media lama milar pariat te’n an fan te leh follower te hmaah social media influencer lar ber leh huhang ngah ber nih tuma an beihna lamtluang zawh tur leh thlir theih a ni ang. June 22 chang phawt mai rawh.
Take Care of Maya
Hei hi karthar thawhtanni ah hmehchhuah theihin a awm dawn a, karthar nghahhlelhawmtir tu pakhat a ni awm e. Jack leh Beata Kowalski te’n natna lanchhuah dan mak leh danglam tak nei an fanu kum 10 an buapui dan hlauhawm leh rapthlak lek lek bawk si chu mit tla lek lekin i en ngei dawn e.
AMAZON PRIME
IMDB tehnaa sang angreng tak ‘Jee Karada’ ah hian Tamannah Bhatia chet dan i thlir thei dawn a, naupan lai atang tawha inkawmngeih mi pasarih te’n kum 30 hmel an hmuh hnu-a hringnun inthlak danglam nasatzia leh an rin phak bak a lo nih dan te chu i hringnun hmanchhoh mek leh tawnbuak tawh te nen hmehbel tur leh suihzawmtur thahnem tak a awm ang.
HOTSTAR
Episode pakua awmna ‘Shaitan’ hi tunkar tawp hman nawmna leh boruak dangdai tak thlentu a ni ngei dawn e. A hlauhawm angreng phian a, hmulthi a ding sur sur thhei dawn a, thin thama thil thleng a ni bawk avangin Lung lam tha lo leh hriselna pan angreng tan en a him lo thei a. Chutih rualin, horror film hlauhawm tak zawngte tan erawh mamawh channa a tling ang.