Mizoram People Forum (MPF) chuan tun hnaia political party pakhatin Hachhek Assembly Constituency-a ding tur puanna leh a hnua hmalak zuina awm chu thawhhona thuthlung bawhchhiatna a awm tih an sawi.
Nimina an thuchhuahah MPF hian political party pakhatin Hachhek biala an candidate tur puannaah ran eng emaw zat talhin mipui sang chuang tan ruai buatsaih a ni tih hriat a nih bakah, candidate tura puan hian higher secondary school leh college hrang hranga zirlai admission fee tumsak vek a tum thu a puang niin an hria a. Hei hi inthlan campaign nana ruai theh, sum, therhlo leh a thlawna thil tihsak intiam hi MPF leh political party-te thawhhhona thuthlung bawhchhiatna a nih thu leh he thil thleng hi an la thu tak hle tih an sawi.
MPF chuan hetiang thil hi khawi hmunah mah thleng tawh lo se an duh thu leh political party hrang hrangte chet dan hi thlirin an vil zui zel dawn a. Political party-te nena an thawhhona thuthlung hi rinawm taka zawm zel turin party zawng zawng a ngen thar leh tih an sawi.