Tottenham Hotspur chuan Leicester City hnenah England midfielder James Maddison, 26, leh kum 25 mi England forward Harvey Barnes te Pound maktaduai 50 a lakluh kawp dilna a siam. (Daily Mail)
Manchester United, Manchester City leh Chelsea te chuan West Ham United atangin kum 24 mi England midfielder Declan Rice lakluh an tum ve dawn a, Arsenal lei dilna hmasa hnawl a nih hnuah chet an tum. (Telegraph)
Arsenal in Rice hi lakluh ngei an tum a, an dah pawimawh avangin kum 21 mi Brighton leh Ecuador midfielder Moises Caicedo lakluhnaah an tel ve dawn tawh lo. (Times)
Caicedo hian Chelsea zawm a thlang dawn a, mimal inremna tifel turin inbiakna a kal mek. Champions League khelh a duh thu sawi mahse Chelsea sawmna a pawm dawn. (Sky Sports Germany)
Chelsea leh Germany forward Kai Havertz, 24, chuan mimal inremna Arsenal nen nei tawh mahse club lamah Gunners leh Blues an la inrem thei lo. (Fabrizio Romano)
Manchester United chuan Chelsea chu Inter Milan atang Cameroon goalkeeper Andre Onana, 27, lakluh tumin an chuh dawn a, Porto leh Portugal keeper Diogo Costa, 23, pawh United hian an la ngaihven mek. (The Guardian)
Newcastle United chu Scotland full-back Kieran Tierney, 26, lakluh tum langsar ber an la ni mek a, Arsenal in lei dilna an hmuh thuai an beisei. (Football Insider)
Bayern Munich chu Napoli atang kum 26 mi South Korea defender Kim Min-jae lakluh tuma hmahruaitu an ni mek a, Man United nen pawh sawizawm a ni. (Sport)
Borussia Dortmund chuan Austria club LASK atang Japan striker Keito Nakamura, 22, lakluh tumnaah Liverpool, Aston Villa leh Burnley te an zawm ve dawn. (Daily Mail)