Aizawl : Samagra Shiksha, Hnahthial-in nimin khan Electric Veng Community Ha- ll, Hnahthial-ah Quality education chungch- ang leh zirlaite hma- lam hun atana hriat tur tul pawimawh inzirtirna leh HSLC leh HSSLC pass tharte lawmpuina hun a buatsaih a. Bialtu MLA, H&TE Minister ni ba- wk Dr. R. Lalthang- liana’n a telpui.
Quality education chungchang leh zirlaite hmalam hun atana hr- iat tur tul pawimawhte chu Lalhruaitluanga, ZoCareers leh Helen Lalrinkimi, BHSS, Serkawn ten zirlaite hnenah an zirtir a ni.
H&TE Minister chuan “kum zabi 21-na hi Mizo thalaite tan chona-ah ngaih a tul” tiin, “A pangngai, pass satliah tan hna hmuh a harin awmzia a awm lo, thiamna tak tak neih a ngai” a ti a. Zirtirtute pawh an zirlaite-ah chhawr tlak thiamna an pe thei tih an inhriat thar a duh thu sawiin, chutiang tura an inbuatsaih pawh a beisei thu a sawi.
Zoram Medical College, Falkawn-a thawk tur hna an lak dawnin Mizo thalai zingah qualify an vang thin hle nia sawiin, R Lalthangliana chuan hnamdang sawm a ngaih chang a awm thu a sawi a. Super Specialist Doctor pawh thalai zingah kut zungtang thliah tham lek an awm thu sawiin, Pilot pawh Mizo zingah 5 an awm tlin loh thu leh All India Service lamah pawh sawi tur an van tak thu sawiin “kan rualpawl dan hi kan inenfiah a ngai a ni” a ti bawk.
He hun hmanpuitu dang Hnahthial Bawrhsap R. Lalremsanga pawhin, tuna Hnahthiala zirlaite chu Hnahthial hmalam hun an nih thu sawiin, Hnahthial chu district thar a nih angin district-in a ken tel hmasawnna tam tak kalpui a nih thu leh mipui ten a dawhthleng an dawh thiam a tul thu a sawi.
Bawrhsap chuan kumin kumtawp lamah a vawikhat nan Hnahthial district-in MLA inthlan a hmachhawn dawn tih sawiin, chumi atan chuan inbuatsaihna pawh kalpui mek a nih thu a sawi a. ECI duh danin vote nei thei tur chin chu electoral roll a inthun ngaipawimawh turin a chah a, Ni 1.10.2023 kum 18 tling te chu vote nei thei tura inziahluhna hun hawn a ni dawn tih a sawi bawk.