North America a ram inthenawm, football a inhal tak Mexico leh United States Mens National Team te inkhelah player pali hnawhchhuah an ni a. 3-0 a USA chak zanah inkhel result a hliahkhuh.
Las Vegas a Allegiant Stadium a inkhelah USA tan Christian Pulisic chuan goal hnih a khung a. Ricardo Pepi chuan goal khat a khung ve bawk.
Inkhel boruak sang takah hian player-te an buai mai bakah inkhelh laiin entu mipui atangin indiriamna tawngkam hmanga inaukhum a awm avangin inkhel chawlh lailawk a ni.
Mexico centre-back Cesar Montes chu USA forward Folarin Balogun a pet avangin hnawhchhuah a ni a. Intibuai zuiin Gerardo Arteaga chu an team atangin hnawhchhuah a ni ve bawk.
USA lam atangin midfielder Weston McKennie leh fullback Sergino Dest ten record card an hmu ve bawk.
USA hian Thawhtanni zingah Nations League final-ah hian Canada an hmachhawn ang.
Canadian team hian 2-0 in Panama an hneh ve thung a. An tan player pawimawh pahnih Jonathan David leh Alphonso Davies ten goal an khung.