Aizawl : Lunglei District Disaster Management Authority-in Lung- lei Dist-a YMA branch te tana inelna a buatsaih, chhiatrupna thleng thei hrang hrang laka inven dan leh hmachhawn dan video tawi insiamsiak chu zawhfel niin, nimin khan lawmman sem a ni.
He inelnaah hian YMA, College Veng YMA Branch, Lunglei chu pakhatna niin, Rs 20,000 an dawng a, YMA, Salem Veng YMA Branch, Lunglei pahnihna niin, Rs 10,000 an dawng. YMA, Serkawn Branch-in consolation prize Rs 2,000 an dawng bawk.
Lunglei Addl. DC Donny Lalruatsanga chuan inelnaa tel YMA branch te lawmthu hrilhin, a taka khuarel chhiatna a lo thleng a nih pawha che chhuak hmasa pawla tan a pawimawh thu a sawi a. “Mihringin kan fimkhur loh avanga chhiatrupna thleng thei hrang hrang lakah pawh fimkhur tura kan inzirtir a pawimawh takzet a ni” a ti bawk.