Union Minister Dharmendra Pradhan leh BJP candidate Suvendu Adhikari-an West Bengal, Nandigram-a inthlan campaign vantlang inkhawm an huaihawtnaah beih an tawk niin BJP chuan an sawi a, Election Commission chu venhimna tha zawk pek an phut.
Pradhan chuan BJP thalaite chu Chief Minister Mamata Banerjee-i kaihhruai Trinamool Congress worker-te an bei niin a sawi.
“Adhikari-an thu a sawi tan deuh chiah tihin kan Yuva Morcha hruaitu beih a ni a. Thisen a chhuak tih ka hmuhin damdawi inah ka kalpui a. A bika enkawl a ngai hial a, Election Commission hian paramilitary force sipai tam zawk dah rawh se,” a ti.
“Mamata Didi hian inthlan hi mipui rorelna kalhmang angin bei rawh se. Hetianga a ti hi kan hre thiam lo,” a ti bawk.
Pradhan hian Trinamool mite beihna avangin BJP worker 130 an thi tawh niin a sawi bawk.
Kar hmasa khan Mamata Banerjee hi Nandigram-a a campaign-naah beih a ni tawh a, BJP thiltihah a puh a. Mipui kara a car-a a lut tur chu nam thluka a ke khar hnan a ni a, a ke nain wheelchair nan a awm mek.