Aizawl : Samagra Shiksha, Hnahthial District-in Cherhlun Community hall ah Community Mobilization on Quality Education leh Career Guidance programme buatsaihin, HSLC leh HSSLC pass tharte lawmpuina hun an hmang nghal.
He hun hmanpuitu bialtu MLA leh H&TE Minister R. Lalthangliana’n – Cherhlun, Thingsai, Bualpui ‘H’, Ngharchhip leh New Ngharchhip atanga HSLC leh HSSLC pass thar te chu lawmpuina thilpek a hlan.
R. Lalthangliana chuan Covid-19 avang te, Vawk pul hri leng vang te leh thenawm ram buai avanga raltlan avangtea Mizoramin harsatna a tawk chho chungin hmasawnna hnathawh hrang hrang hmuh theiha a awm chu lawmawm a tih thu a sawi a. Cherhlun Damdawi In-ah doctor tha tak dah thuai tum a nih thu leh an Badminton court-ah carpet a phahsak tur thu a sawi.dawn thu a sawi.
Chief Medical Officer, Hnahthial Office tur pawh sak peihfel thawkhat a nih thu sawiin, District Hospital Hnahthial sak nan Rs. nuai 1,700 sanction tawh a nih thu R Lalthangliana chuan a sawi bawk.