- Lallunghnema, Charity Lodge
Chhiartute chibai ule!
Chhuak hnuhnung berah khan thil chi hrang hrang ka rawn fawm khawm a. Ka message dawn thenkhat ka rawn tarlang bawk a ni.
Hetiang teh hrepa Consumer Article ka ziah avang hian hlawh ka nei emaw nei lo emaw,ka duh ber chu consumer-te tana malsawmna nih hi a ni. Ka ve teh ngawt hi!
Ka thu ziak avanga consumer-ten dikna leh chanvo an neihte an lo hriata an harsatnate sutkian a nih chuan ka lo lawm veng veng thin a Consumer te tana thil tih hi hna tlawm,hna hlu a ni ve bawk,ka ti a ni.Kei ve khang lang hi!
Ka thu leh hla lo tuipuitu an pun belhin lo chhawrtu an awm belh zel thinin ka hria. Peih vanga Consumer Huang buatsaih ka ni lova, hman vanga ziak thin ka ni hek lo. Heng consumer education leh issue ka ziah chhan ber chu mipuiin an dikna leh an chanvo an neih theihna tur a ni.
Han ti ve leh ngawt thin ila, miin thil a leinaa hartsatna a tawh a, min lo hrilh a, ka lo tanpui a liama lawmna dang ka nei lo.
Nang consumer duh tak, ( kei chu consumer ka ni ve lo,i lo ti ngawt ang e-llh) i thil lei leh i thil hmanna a harsatna i tawh chuan inthlahrung lovin min lo pan la, kan lo pui ang che. Fee chawi a ngai lo, charge a awm hek lovang. Lawmthu sawi hrim hrim erawh a mawi a, tih fo tur a ni, kan ti a ni.
Chawlhkar liam ta khan rawn ziah ka tum PHE lam, Water Supply Tariff etc a ni a. Ka intiam bawk.Mahse, ka inpeih hman lo. Remchang hmasa berah mihring mamawh ber zinga mi, a tel lova kan awm theih loh tui thu hi rawn chhawp chhuah tho ka tum. Tui harsatna nasatzia hi kan hai lo theuh mai! Chuvangin tui ren a tul a, tui hi hlut a, ni. Mipui hian tui hi zah tur kan ni,ren tur kan nih thu phei hi chu inhrilh kan mamawh tawh lo hial awm e.
Tunah chuan kan thupuiah kan lut tawh ang. Ram danga consumer-ten harsatna an tawh dan te leh an insutkiansak dan te chu kan sawi leh dawn a ni. Thawnthu sawiin ka han sawi leh ngawt mai ang e.
Ni 25 August 2919 a lo in herchhuak a. Hlim takin Katihar khuaa Kumar Paswan chuan a nu ta tur nen rel ticket 2 Rs. 4820/- man a la a. Tichuan a tuk lawkah Kumar-a leh a nu chu Delhi panin hlim takin relah an chuang ta a. He rel hi rel chak chi Rajdhani Express a ni. New Delhi Station an thlen hian an in report nghal a. Chu station a Chief Ticket Examiner chuan original ticket a lo phut a, original an pek theih loh thu leh online a ticket book mai an nih thu Kumar Pawan a chuan a hrilh a. Mahse, he Chief Ticket Examiner hian Rs. 5150/- a lo laksak ta hram a.
Hei hi an bawhchhia a ni. Paswan a thinrim chuan District Consumer Commission-ah he railway hi a khing ta a. District Consumer Disputes Redressal Commission, Katihaar chuan Railway hi thiam loh chantirin Rs. 25000/- chawi turin thutlukna a siam a. Chubakah chuan ticket 2 man atana a pek Rs. 4820/- chu Paswan-a hnena pe kir tur leh rilru tihnat man atan Rs. 1000/- a chawi turin a ti bawk a ni.
District Consumer Commission Judgement hi OPRailway hian State leh National Commission-ah a khing chho zel a. National Consumer Disputes Redressal Commission chuan heng District leh State Commission Judgement-te chu a pawmpui vek a,Deficiency jn Service leh Unfair Trade Practice a awm ngei tiin Railway chu thiam loh chantirin a zilhhau ta hluah nghe nghe a ni.
I thil leiah te,
I thil hmannaah te
Harsatna chi hrang hrang
I neih chuan
Kan lo pui ang che.
I tan kan ding,
I tan kan thawk!
In thlahrung suh.