Guitarist lar tak Carlos Santana chuan a naupan laia mipat mipatna lam thila nasa taka khawih nawmnah thintu chu a ngaidam,’ a ti.
Kum 75 mi hian a hun hmasa lam thim chhan leh hrehawm tak chu hun rei tak a zep hnu-ah nimin piah khan khawvel hriatah a puang chauh a, tunah chuan a hun kal tawh chu inremna siampuiin, nun tharah a chuangkai niin a sawi bawk.
PEOPLE magazine hmaah, “Taksa leh rilru a min tinatu zawng zawngte kha a mal malin ka en chhuak vek a, min hnuaichhiah a, min timualpho a, hrehawm taka min siamtute kha kum 5 emaw kum 5 6 mi lek angin ka en kual vek chhin a, tichuan hriatthiamna leh pawmthiamna ka nei ta a ni,” a ti.
A chunga thil thleng leh a hun tawn chanchin hi ama puala siam documentary thar, ‘Carlos’-ah en theih a ni dawn a, nimin piah khan Tribeca Film Festival-ah a vawikhat nan chhuah a ni.
Carlos hian tunhma deuh khan kum 10 leh 12 mi lek a nih laiin, nitin tih mai tura tharum hmanga khawihnawmnah a nih thin thu hi a lo sawi tawh a, hrehawm taka siamtu hi Mexico-ah lo zinin, American tourist anga insawi a ni a, a nu leh pa te nen hian an inhretha in, present chi hrang hrangte pawh a hawnsak thin niin a sawi bawk.