Nepal rama Sindhupalchok district-a ruahsur nasa lutuk vanga tui lianah an chin hriat lohvin mi 20 an bo va, Indian mi pathum an tel ve niin sorkar thuneituten an puang.
Sindhupalchok District Administraton Officer (DAO) Arun Pokhrel chuan Indian leh Chinese mi pathum ve vete chu Thawhlehni tlaia tui lian thleng thut hnuah an awmna chin hriat zui a nih loh thu a puang.
Heng mi mite hi helai bialah hian hmasawnna hna thawhna hmuna thawka awm an nih thu a tar lang bawk.
He district hi Nepal ram lailia awm niin Tibet ram hmar lampang nena insi reng an ni a. Vur tawlhin a hnawl tel chirh, lung leh vur tuite chu Melamchi mual dungah a luang thla niin an ngai.
Melamchi tuipui dunga chhungkaw 200 dawnte chu an chenna in atangin sikulah an sahimna zawngin an inthiar luh phah.
Tual chhuang mi 14 baka Indian mi bote chu Kamallochan Mahato, Bijay Basumantari leh Jindao Basumantari te an ni a. Chinese mi Sun Yu Chuwan, Yu Chijhu leh Godh Tyan Chyu te an tel bawk.