Sudan-a West Darfur state-a hnam hrang intihbuainaah mi 48 zet an thi niin Sudan-a news agency chuan doctors’ union thu sawi a tar lang.
An state khawpui, El Geneina-a buainahi Inrinnia chhuak tan kha niinmi pakhat vih hlum atanga intan a ni.
Buaina punlun zel tur ven nan state pumah curfew puan a ni a, Prime Minister Abdalla Hamdok chuan a chhui chiang turin mi a tir bawk.
Darfur-a buaina hi kum 2003-a intan tawh kha niin mi maktaduai telin an chhuahsan phah tawh a. Tun hnaiah tharum thawhna thleng nasa tawh lo mah se boruak erawh a la tang ru hle thung.
Chawlhkar thum pawh la liam lovah khan United Nations leh African Union peacekeeping force chuan kum 13 zet an awm chilh hnuah Khartoum thuneitute hnenah venhimna kalpui zui turin an hlan a. Hemi hnu lawkah hian tharum thawhna a thleng zui lehnghal tihna a ni.