Indian football team in hun pawimawhah football hmuhnawm an khel a. 2-0 a Lebanon hnehin 2023 Intercontinental Cup-ah an champion.
Pathianni zanah Kalinga Stadium-ah India leh Lebanon ten ram pali in an khelh inelna final an khel. First half-ah team pahnihte an indangchat tawn thei viau a, chance tha an insiam hnem lo. Second half-ah erawh Mizo forward Lallianzuala Chhangte inlarin minute 46-naah Sunil Chhetri goal khung tur a siamsak a. Minute 65-naah amahin a khung ve leh nghal bawk.
India hi Igor Stimac hnuaiah a vawi hnihna atan trophy an chawina a ni a. Kum 1977 hnuah a vawikhatna atan Lebanon an hnehna a ni.
India hian naktuk zan atangin South Asian Football Federation Championship an khel lehnghal ang.