French champion Paris Saint-Germain chuan an manager thar atan Luis Enrique lakluh an hnaih tawh hle.
PSG hian an manager Christophe Galtier chu an chhuahtir thu la puang chiang lo mahse tun nipuiah a chhuak ngei dawn nia ngaih a ni a. Club hotuten an chhuahtir tur thu an hriattir tawh niin an sawi.
Kum 56 mi hi Mauricio Pochettino thlaktu atan nikum July khan lakluh a ni a, nimahsela kuminah beisei anga Europe lamah an chetthat loh avangin thlak an tum.
Luis Enrique hi Qatar World Cup zawha Spain a chhuahsan hnuah club hrang hrang nen sawizawm a ni fova. PSG hian Bayern Munich manager hlui Julian Nagelsmann nen inbiakna an neih hlawhtlin loh hnuah a lam hi an hawi dawn ta a ni.
Luis Enrique hian a khelh thinna Barcelona chu kum 2014 atanga 2017 khan a enkawl tawh.
PSG hian kalphung thlak an tum a, player langsar lakkhawm aia team thar din an tum tawh zawk niin an sawi.