Aizawl : Mamit Vengthar-a Rokhawm- thangi (L) In, chu ni- mn zing khawvar hma khan leiminin, a hnawl a, he in-a cheng te chu an in a himlo nia hriaa hmun danga an riah chhuah lai niin, he chhiatna thleng avang hian mihring thi leh hliam an awm lo a ni.
He chhiatna thlenna hmun hi nimin vek khan Minister Lalrinawma’n tlawhin, vanduaina tawk chhungku- ate tana DM&R atanga ruahman Rs. 1,30,000 a hlan bakah Mamit Hmar Veng VCP kut- ah hnatlang thingpui inna tur Rs. 5,000 a pe a. Bialtu MLA H. Lal- zirliana pawhin vanduaina tawk te tanpui nan nimin vek khan Rs. 5,000 a pe bawk.
Leiminin a hnawl hi In hiAssam Type, Zopa chhiara chhawng hnih niin, in neitute ten a chung leh hnuai an luah ve ve a ni.
Excise & Narcotics Minister Lalrinawma chuan nimin vek khan Mamit district level task force on ruihhlo do thutkhawm, Mamit-ah a kaihhruai a. He committee hian Mamit district-ah Detox Centre emaw Rehabilitation Centre emaw a awm lo chu ngaihpawimawh tul an tih thu sawiin, hmalak dan tur te an sawiho nghal.
Mamit district level task force on ruihhlo do-in chak zawka hma a lak theihna turin Mamit Sub Hqrs. YMA hnuaiah Anti Drug Squad din niin, Excise leh Police-te nen tanghovin hma an la a. District chhung khua/veng tinah village level committee din vek an rawt bakah ruihhlo dona atana tangkai thei tur CCTV wireless camera pawh Mamit-a veng tinah pakhat theuh pek tura hmalak an rel bawk.
Mamit Hmar venga Observation Home pawh Social Welfare & Tribal Affairs Minister ni bawk Lalrinawma chuan nimin vek khan a hawng a. He home hi Rs. 87,45,000 senga sak niin, April 2022-a sak tan, kumin February-a zawhfel a ni a. Khum 8 awm theihna tura ruahman a ni.