Aizawl: Nimin zing dar 2:30 vela Mamit Vengthara lei minin a hnawl, Rokhawmthangi (L) te chenna in chu nimin khan Er. Lalrinawma, SW&TA, AH&Vety, E&N leh Sericulture Minister chuan a a tlawh.
Minister V.L.Remliana, Mamit District Bawrhsap, Chairman, District Disaster Management Authority chuan a tawiawm bawk.
Minister hian vanduaina tawk chhungkuate tanpui nan hian DM&R atangin Rs. 1,30,000 a hlan bakah hnatlangte thingpui inna turin Hmarveng VCP hnenah Rs. 5,000 a hlan a. Nimin tuk khan Bialtu MLA Er. H. Lalzirliana pawhin vanduaina tawkte tanpui nan hian Rs 5,000 a lo hlan tawh bawk.
Lei minin a tihchhiat tak hi Assam Type, Zopa chhiara chhawng hnih niin, a chung leh hnuaiah hian in neitu, Rokhawmthangi (L) tu leh fate an cheng mek a. Vanduaina thlen lai hian hmun dangah an riah chhuah vek avangin thi leh hliam erawh an awm lo a ni.