Real Madrid chuan Spain international Joselu chu Espanyol atangin season tluan atan loan in an hawh.
Kum 33 mi hi season zawhah a nghetin an lei thei dawn a. Tun season liamtaah khan Espanyol hi La Liga atangin tla mahse Joselu hi league a goal khung hnem ber pathumna a ni a, goal 16 a khung.
Stoke City leh Newcastle United tan pawha lo khel tawh Joselu hian Spain tan kumin atang khel tanin vawi li a inlan tawhah goal thum a khung tawh.
Real Madrid in striker Karim Benzema chu Saudi Arabia club Al-Ittihad a an kaltir hnuah a hmunruak hnawhkhahna atan an lalut a. Tottenham leh England captain Harry Kane chu lakluh an la beisei tho.
Joselu hian Real Madrid hi a zawm vawikhatna a ni lova, kum 2010 khan an academy-ah awm tawhin first team tan kum 2011 khan a inlan a, hemi tum hian goal a khung nghal.
Kum 2012 khan Real Madrid hi chhuahsanin Germany leh England-ah te a inkhel a. Kum 2019 khan Alaves zawmin Spain-ah a kir a. Hemi hnu hian season li chhungin goal 53 a khung tawh.