Chinese influencer hriathlawh pakhat chu weigh-loss camp-a kg 100 paih a tumna lamah a thih phah.
Kum 21 mi Zhou (Social media-ah Cuihua) hi China ram hmarthlang lama cheng niin, hun rei tak atang tawha thau luat vanga harsatna tawk tawh niin, taksa rihna chanve lawih paih ngei tumin goal a insiam ta a.
China rama TikTok anga platform lar tak Douyin-ah inlanin, midangte’n amah kaltlanga tangkaipuina an neih theihna tur atan a thawkchhuak.
Hmeichhe thau tak ni mah se, pian tha zeih zawiha lan ngei tumin a hmabak chona te, hlawhtlinna te leh exercise rim taka a lak dan te a pholang thin.
Kg 156 a rit Cuihua hian kg 100 paih ngei tumin a beisei nasa hle. Shaanxi biala weight loss camp-ah la lut a, hun engemaw chen a awm hnu-ah Inah hawin, a ni hnihnaah a thi zui ta a ni.
CNN tarlan danin, wight loss camp a vawikhat luhna a ni lova, tunhma lam pawhin hmun hrang hrangah inziaklutin a bei nasa hle thin. A tum dan tak chuan thla hnih lo la awm turah kg 27 paih a ni. Mahse, a tak ram a thleng ta lova, a chunga thil thleng hi mithiamte chuan taksa rihna paihna kawnga fimkhur a ngaihzia tarlanna chiang takah an ngai thung.