Aizawl: Thawhtanni zan khan Chief Minister Zoramthanga bial, |huampui MNF Unit-I huaihawtin Ramdinthari inah MNF Treasurer K Vanlalauva’n an party zawm tharte a lawm lut.
Lawm luh inkhawmah K Vanlalauva chuan Manipur Chief Minister N Biren Singh nen inbiak a tul avanga a zin vangin Chief Minister Zoramthanga aiawha kal a nih thu a sawi a. Zoramthanga chu Laldenga khan a hriat chian lehzual hnuah a mi rin zawng tak a nih thu sawiin, “Tun hmaa Mizoram leh hnam tan zalenna sual (underground) hun laia inkawp nasa ber an ni a. Khatih hun lai atanga vawiin thlenga hruaitu tha leh ropui, mi rintlak em em a la ni reng,” a ti.
ZPM chungchang sawiin K Vanlalauva chuan Lunglei lamah an thawm a len hle ruala an mi leh sa, mi pawimawh tak takten an bânsan chur chur mek thu a sawi a. Tun hnaiah bial tam takah candidate an puan dan chu anmahni party chhungkuaah pawh firfiak taka thuneihna kalpui an nih dan leh an lungrual lohzia a tilang chiang hle tih a sawi bawk.
MNF party thuchhuah chuan he hunah party hrang hrang atangin MNF zawm thar mi 40-te MNF tresurer hian an party-ah a lawm lut a ni.