Manipur atanga ra- ltlante chhawmdawl dan tur ngaihtuahin Executive Com mittee on Internally Displaced Persons (IDPs) of Manipur chu nimin khan an Chairman Commissioner & Secretary, Home Department H. Lalengmawia, hovin nimin khan an thukhawm.
Kumin June ni 5-a Manipur atanga an sahimna tura Mizoram pantute chhawmdawl dan tur ngaihtuahtu High-level committee thurel bawhzui tawh dan an sawiho bakah, hmalak chhunzawm zel dan tur te an sawiho a. Thutkhawm kai- hruaitu H. Lalengm- awia chuan Chief Minister Zoramthanga’n Manipur atanga Mizoram beltute tanpuina Prime Minister leh Union Home Minister hnena a dil bawhzui tura New Delhi a an zin chungchang report a pe a. Minister of State Robert Romawia Royte hova sorkar laipui hotute an dawr hnuah hlawhtlin beiseina sang tak an neih thu a sawi.
Relief Camp awmna district Aizawl, Kolasib leh Saitual District a Bawrhsap te leh CYMA hruaitu ten chhawmdawlna kawnga hma an lak dan leh harsatna an tawh te an sawi a, a sut kian dan tur te an sawiho a. Fur a intan tawh avangin temporary sh- elter sak chawp ai chuan sorkar hmun- hma remchang luah tur zawn tha an ti bawk.
Raltlan zingah damlo leh natna khirh tuar te enkawl dan tur mumal tak ruahman a tul thu pawh sawihovin, Health department official ten raltlante hriselna dinhmun an vil dan leh damlote an buaipui dan an sawi a. ICDS nen tangtlanga naupangte ei tur tha an pek thin thu an sawi.
Home Secretary hova thukhawm chuan chh- awmdawlna tur sum a theih ang anga dap dan ngaihtuah ni se, an ti a. MLA zingah leh sorkar hnathawk zingah sum thawh thei an awm chuan hmalak ni se, an ti bawk.