Director Om Raut kutchhuak, ‘Adipurush’ film chuan thawm nasa tak a siam mek a, sum lakluh tawh lah a tam! Mahse, Nepal chuan he film vang hian Hindi film reng reng thu leh awm hma chu ramchhunga tihchhuah a khap!
He film hian sawi leh sel a hlawh chho malh malh hle a, an tawngkam hman duh dan te, pathian an phochhuah dan te chu mi tam takin tha an ti lo. Mahse, ni thum lek chhungin sum a lalut hiau hiau reng mai a, record thar a siam zel dawn ni te paw’n a lang.
Nepal ram bikah hian Sita chu ‘India fanu’ tia tarlan a ni a, hei taka hi Nepal thuneitute beng tihnawktu leh pawm harsa an tih em em chu a ni ta. An lungawi lohna leh thinrimna hi ‘Adipurush’ film ah tuan mai lovin, Hindi film reng reng ramchhunga chhuah an khap ta bur mai.
An khawpui Kathmandu leh Pokhara-ah boruak a rit angreng a, ‘India fanu’ a Sita an chhal mai chu an hrethiamt hei lova, Kathmandu-a cinecmall hall 17-ah police leh venhimna lama thawktute an duty khawt tlat bawk a, Hindi film dang pawh chhuah a nih loh nan an vil zui nghal.
Kanthmandu mayor Balendra Shah chuan thuchhuah siamin ‘Janaki hi India fanu a ni’ tih lai tawngkam paih a nih hma chu Hindi film reng reng Kanthmandu-ah chhuah a ni ngai lovang, a ti.
“Thawhtanni (May 19) atangin Kathmandu khawpui bikah Hindi film reng reng tihchhuah theih a ni tawh dawn lova, he film, ‘Adipuruhs’-a tawngkam hman hi paihchhuah a nih loh chuan Hindi film khap burna hi chak takin a kal zel ang,” tiin facebook katlangin a tarlang.
Hindu mythology atang chuan Sita (Janaki tia hraitlar) hi Jankapur, tuna Nepal-a piang a ni a, Ram nena an intawn hmasak berna hmun a ni nghe nghe. Hetih lai hian, Sita pianna chungchangah inhnialna a awm reng thiin a, nikum atang phei kha chuan boruak pawh a rit hle a, thu inchuhna a nasa viau a ni.