Champhai Cooperative Apex Bank-a Security Guard Vanlalrinawma (30) s/o Thantluanga, Champhai Vengthlang chu a duty-na hmunah a inkap hlum.
Champhai atanga thudawn danin, Apex Bank-a Security Guard pahnih Vanlalrinawma leh a thawhpui PC Lalrinpuia te chu nimin khan an duty dun a, duty-te chawlh hahdamna hmuna awm, Vanlalrinawma chu chawhma dar 11:15 vel khan a silaiin a inkap a, Champhai District Hospital panpui nghal ni mah se chawhnu dar 1:30 khan a thi a ni.
Vanlalrinawma hian ama silai ulhbun tan tawi chu duty-naah hian a keng thin a, hemi hmang hian a khabe-ah a inkap niin Champhai Police hotuten an sawi.