Manchester City chuan Chelsea atangin midfielder Mateo Kovacic lalut turin Pound mkataduai 30 in inremna an nei.
Croatia midfielder kum 29 mi hian Premier League champion lai hi Pound maktaduai 25 in a zawm phawt anga. A khelhdan a zirin Pound maktaduai 5 an inpek belh ang.
Chelsea in manager thar Mauricio Pochettino hnuaiah season thar atan inbuatsaihna an kalpui tan a. An squad a player an tam avangin inpaih thawl turin player an chhuahtir chhunzawm zel.
Kovacic hian kum 2019 khan Real Madrid atangin Chelsea hi a zawm a. A tirah loan in zawm phawt mahse a hnuah kum nga daih contract a ziak.
Man City in Kovacic an lakluh dawn avang hian German midfielder Ilkay Gundogan hma hun in sawi zui a hlawh bawk a. Contract hmang zo tur niin a ziah belh dawn em tih zawhna a lian telh telh.
Kovacic hian season liamta khan Chelsea tan inelna hrang hrangah vawi 37 a khel.
Blues tana a khelh chhung hian kum 2021 khan UEFA Champions Legaue a chawi tawh a. Manchester City nen final an khelh tumin substitute bench atanga dah luh a ni.