Kumin September a khelh tur 2022 Asian Games-ah India ram aiawhin Mizo a inlan dawn a. Zemabawk North nula Lalhumhimi chu Judo-ah Hangzhou a inlan turin a tling.
Lalhumhimi hian Kg52 hnuai lam huang a inel turin Thawhlehni khan Indian Olympic Association chuan a tichiang.
Kumin April 5 atanga ni 8 chhung khan Judo Federation of India chuan selection trial a buatsaih a. Hetah hian pakhatna a ni.
Lalhumhimi hi National Games hnuhnung berah khan Gujarat-ah Mizoram tana gold medal la awmchhun a ni a. National level-ah Mizoram tan medal a dang pawh a la hnem tawh hle.
Tun thla ni 2 atanga ni 4 chhung khan Tajikistan-ah Dushanbe Grand Prix 2023-ah a lo inel tawh bawk.
Asian Games 2022 hi Hangzhou, China-ah September 23 atangin an nei tan ang.