Chelsea leh France midfielder N’Golo Kante chuan Saudi Arabian champion Al Ittihad zawm turin inremna an nei.
Kum 32 mi hian Stamford Bridge a contract a neihlai chu June thla hian a hmang zo dawn.
Kante hian inhliam vangin tunhnaiah football a khel tam lova. Tun season liamta khan Chelsea tan vawi 9 chauh a inkhel thei.
Al-Ittihad ah hian a hnampui striker Karim Benzema a zui lut dawn a, ani hian Real Madrid chhuahsan in kum thum daih contract a ziak.
English football-ah Kante hi a hlawhtling viau a, a season hmasa berah Leicester City chu Premier League a chawipui.
Stamford Bridge lam pan zuiin Chelsea tan hian UEFA Champions League, Premier League, Europa League leh FA Cup te a chawi tawh bawk a. Kum 2018 a France in World Cup an champion-na kawngah a pawimawh hle bawk.