Kum 2 hnu-ah ‘Squid Game’ season 2 tihchhuah turah hmeichhia an langsar lo tur chu fan te beidawnna thlentu a ni ta reng mai.
Inrinni khan Netflix chuan casting leh details a tihchhuahnaah hmeichhia an lang lo teh tlat mai a, upa lam deuh leh hmelthar thahnem tak karah mipa hlang an awm khawm hmur ringawt.
Season 1 atangin Gi-hun (Lee Jung-jae), Lee Byung-hun leh detective Hwang Jun-ho bakah Gong yoo te an langsar hle dawn.
Chanchin lawmawm tak erawh chu teaser trailer tihchhuahah hian South Korean actors hmingchher tawh leh hriathlawh thahnem tak an lang tur hi a ni a.
An zingah hian K-pop idol lar thin leh tuna actor ni ta Yim Si-wan hmel kan hmu tur hi a ni a, ani hi Netflix thriller lar tak, ‘Unlocked’ ah khan a inlan.
Hetih lai hian Nefflix lam chuan ‘Squid Game 2’ a inlan tur hmeichhia te hming leh nihna an puanzar thuai tur thu an sawi ta a, fan te tan chanchin lawmawm a thlen thuai beisei a ni.