German champion Bayern Munich chuan Borussia Dortmund left-back Raphael Guerreiro chu free transfer in an lalut.
Kum 29 mi hian Dortmund-ah season sarih a hman hnu in Bayern a pan a, an hnenah hian kum thum daih contract a ziak.
Portugal in Euro 2016 a an champion tuma player tangkai ni tawh Guerreiro hi Dortmund a laluttu Bayern head coach Thomas Tuchel nen an thawkdun leh dawn.
“Bayern hnen atanga sawmna a lo kal atang khan thutlukna siam chhung a rei lova, a awlsam hle.”
“Ball kawl tam duh mi ka ni a, inkhel thunun a, goal hlauhawm siam chhuah tam ka duh thin. Helai hmunah hian title tam thei ang ber la turin ka theihtawp ka chhuah dawn. Hei hi Bayern thupui pawh a ni.” tiin Guerreiro chuan a sawi.
Dortmund atanga Bayern a insawn player langsar hi an lo awm fo tawh thin a. Robert Lewandowski leh Mario Gotze te hnuah defender Mats Hummels chu a hnuhnung ber a ni a. Dortmund lamah a kir leh tawh thung.
Defender a ni chungin Guerreiro hi midfield sir veilamah pawh a khel thei a. Tun season liamta khan goal li a khung bakah league a sang ber ni turin midang goal khung tur vawi 12 a siamsak.
Bayern in tun nipui a player an lakluh pahnihna niin midfielder Konrad Laimer chu RB Leipzig atangin free transfer in an lalut tawh.