Inter Milan striker Edin Dzeko chuan Italy chhuahsanin Turkish club Fenerbahce chu free transfer in a zawm.
Bosnia-Herzegovina international in Inter tana a inkhelh hnuhnun ber chu UEFA Champions League final kha niin Manchester City lakah an tlawm.
Kum 37 mi ni tawh Dzeko hian a club thar hnenah hian kum hnih contract a ziak.
Tun thla tawp a Inter a contract hmang zo tur Dzeko hian kum 2021 a AS Roma atanga club a zawm hnuah an tan vawi 101 inkhelin goal 31 a khung a. Tun season liamta khan vawi 14 a ti goal.
Inter tan hian Coppa Italia vawi hnih a chawi hman bawk. “Mangtha le, Inter, kum hnih duhawm tak kan hmang.”
“Ka tan zinkawng hlimawm a ni a, tuna kan inthen dawn takah chuan lawmthu ka sawi duh a ni.” tiin a chhuahsan tak club a thlah.
Dzeko hian Fenerbahce ah hian season khatah Pound maktaduai 3.6 vel a hlawh dawn nia sawi a ni a. Brazil lam pan ta top scorer Enner Valencia hmunruak a luah dawn a, ani hian season liamta khan goal 29 a khung.