Washington Wizards in Phoenix Suns nen trade inremna nei a Phoenix lama Bradley Beal an kaltirna a an dawn Chris Paul chu chhuahtir turin inremna an nei lehnghal a. Golden State Warriors lamah ‘trade’ in Wizards hian Jordan Poole an lalut ve thung.
Wizards hian Poole bakah hian protected 2030 first-round pick leh 2027 second-round pick te an dawng tel dawn bawk.
Wizards hi an president of basketball operations thar Michael Winger hnuaiah roster in siksawi nasa an ni a. Suns nen an inrem hnuah Paul hi chhuahtir in roster hmun siam an tum tawh sa a, Warriors lamin lakluh duhin an pahnihin an indawr ta a ni.
Paul chhuahtir leh an tum avangin Phoenix Suns pawhin Bradley Beal an lakluh thu hi an la tifel thei rih lova. Paul hian team thar, a khelh duhna tak a neih theih nan kar khat an nghak leh a. Team pathumin inremna an nei ta a ni.
Kum 38 mi ni tawh mahse Paul hi NBA a point guard fing leh tangkai ber zing ami a la ni a. Season liamta khan game 59 khelin 13.9 points leh 8.9 assist average a nei.
A kum a tam tawh avangin regular season-ah khel tam viau thei tawh lovin inhliam avangin buai ve leh zeuh thin bawk mahse hun pawimawhah Warriors star rual zingah a tangkai thei dawn hle niin tam takin an ngai.
NBA-ah a season 19-na hmang tur a ni tawh a, kum khat contract la nei a ni bawk a. Paul hian basketball a chawlhsan hma in champion thei team tana khelh a duh a, Warriors a kal hi a thlang ta a ni.